واضح رہے کہ اتوار کی شام دیر گئے مشتبہ عسکریت پسندوں نے شوپیان ضلع کے ریشی پورہ حرمین علاقے میں شاکر منظور نامی ایک فوجی اہلکار کو اس وقت اغوا کر لیا جب وہ اپنے گھر سے اپنی گاڑی میں ڈیوٹی پر جارہے تھے۔
شاکر منظور کو مشتبہ عسکریت پسندوں نے اغوا کر کے اس کی گاڑی کو کولگام ضلع کے نیہامہ علاقے میں نذرآتش کر کے وہیں چھوڑ دیا اور اسے اپنے ساتھ لے گئے۔
پولیس و فورسز نے شاکر منظور کو تلاش کرنے کی کوششیں شام سے ہی شروع کر دیں اور ابھی بھی انہیں تلاش کرنے کی کوششیں جاری ہیں۔
اس واقعے کے بعد شاکر منظور کے گھر اور آبائی گاؤں میں کہرام مچ گیا ہے۔
شاکر کے افراد خانہ اغوا کاروں سے گزارش کر رہے ہیں کہ وہ جہاں بھی ہیں اسے رہا کیا جائے۔ اگر اغوا کار یہ چاہتے ہیں کہ شاکر فوج کی نوکری نہ کرے تو ہم اسے نوکری سے مستعفی کرا لیں گے مگر اسے سلامتی کے ساتھ اپنے گھر بھیجا کیا جائے۔
