یونان کے مشہور شہر ایتھنز میں ایک تقریب میں ایتھنز فوٹو ولڈ آرگنائزرز نے ڈار یاسین کو اس ایواڈ سے نوازا ہے۔ ایتھنز فوٹو ولڈ آرگنائزرز نے ایسوسی ایٹیڈ پریس کے فوٹوگرافر ڈار یاسن کو ان کی ہمت اور ثابت قدمی کے لیے انہیں اس ایوارڈ سے نوازا ہے۔
واضح رہے کہ یہ سالانہ مقابلہ یونیس بہاراکس کی یاد میں قائم کیا گیا ، جو ایوارڈ یافتہ یونانی فوٹوگرافر تھے۔ یونیس بہاراکس رواں برس کی شروعات میں 58 برس کی عمر میں کینسر کی وجہ سے فوت ہوگئے تھے۔
ایتھنز فوٹو ولڈ آرگنائزرز نے کہا کہ ڈار یاسین کو تقریباً 10 لاکھ روپیے کا انعام ملے گا اور آئندہ موسم گرما میں وہ ایتھنز میں اپنے فوٹو گرافز کی نمائش کریں گے۔
واضح رہے کہ 5 اگست کو جموں و کشمیر کی آئینی حیثیت ختم کرنے کے بعد سے وادی کشمیر میں مسلسل 74ویں روز سے بندشیں جاری ہیں جس کی وجہ سے معمولات زندگی مفلوج ہو کر رہ گئی ہے۔ وادی میں پانچ اگست سے انٹرنیٹ خدمات معطل ہے جس کی وجہ سے صحافیوں کو اپنی پیشہ وارانہ خدمات انجام دینے میں شدید مشکلات کا سامنا ہے۔
