بھارت اور چین کے درمیان ایکچوئل لائن آف کنٹرول پر بڑھتی کشیدگی اور مرکزی زیر انتظام لداخ میں عالمی وبا کرونا وائرس معاملات میں مسلسل اضافے کے باوجود انتظامیہ نے آئندہ ماہ کی 16 تاریخ سے لداخ آٹو نومس ہِل ڈویلپمنٹ کونسل (ایل اے ڈی ایچ سی) کے انتخابات منعقد کرانے کا اعلان کیا ہے۔
خیال رہے کہ بھارتیہ جنتا پارٹی (بی جے پی) اس انتخابات کے حق میں ہے جبکہ وہیں مخالف جماعتوں نے انتخابات کے اعلان پر ناراضگی ظاہر کی ہے۔
واضح رہے کہ گزشتہ روز لداخ انتظامیہ کی جانب سے جاری کیے گئے ایک بیان کے مطابق 'ایل اے ڈی ایچ سی کے انتخابات اکتوبر مہینے کی 16 تاریخ سے منعقد کرائے جائیں گے، یہ انتخابات 26 نشستوں کے لیے ہوں گے'۔
لداخ کے ضلع مجسٹریٹ سچن کمار نے علاقے میں انتخابات کے لیے ماڈل کوڈ آف کنڈکٹ عائد کیا ہے اور تمام سیاسی جماعتوں اور آزاد امیدواروں کو ہدایت دی ہے کہ وہ اس ماڈل کوڈ آف کنڈکٹ کا احترام کریں تاکہ انتخابات صحیح طریقے سے منعقد کیا جاسکے۔
وہیں مخالف جماعتیں، جن میں کانگریس، عام آدمی پارٹی اور بہوجن سماج وادی پارٹی شامل ہیں، انہیں انتخابات پر اپنی ناراضگی ظاہر کی ہے۔
ان تمام پارٹیز نے کہا ہے کہ 'ہند چین کے درمیان بڑھتے ایکچوئل لائن آف کنٹرول معاملے پر کشیدگی اور عالمی وبا کی وجہ سے عوام میں خوف کا ماحول ہے اس لیے انتخابات کو ملتوی کرنا چاہیے۔
ان پارٹیز کا الزام ہے کہ انتظامیہ عوام کے بارے میں سوچنے کے بجائے ایک مخصوص جماعت کے بارے میں سوچ رہی ہے۔
خیال رہے کہ سنہ 1995 میں تشکیل دی گئی ایل اے ڈی ایچ سی کا یہ چھٹاں انتخاب ہو گا اور کشمیر کے مرکزی زیر انتظام آنے کے بعد پہلی بار یہ انتخابات منعقد کرائے جارہے ہیں۔
