سرینگر ہوائی اڈے سے آج بھی تمام پروازیں منسوخ

جموں و کشمیر میں دھند اور کہرے کے باعث سرینگر ہوائی اڈے سے آج بھی تمام پروازیں منسوخ کردی گئی جس کی وجہ سے کشمیر کا بیرون دنیا سے فضائی رابطہ منقطع ہوگیا ہے۔

ایئر پورٹ اتھارٹی آف انڈیا کے مطابق آج بھی دھند اور نہایت ہی کم روشنی کی وجہ سے ہوائی پروازیں کو منسوخ کرنا پڑا۔

گذشتہ روز شہر سرینگر کو گھنے کہرے نے اپنے لپیٹ میں لے لیا تھا جس کے ساتھ ہی پورا شہر اندھیرا میں ڈوب گیا اور لوگوں کو چلنے پھرنے میں کافی دشواریوں کا سامنا کرنا پڑا جو بدستور جاری ہے۔
ہوائی پروازوں سے سفر کرنے والے مسافر پریشانی اور تذبذب میں ہیں۔

ادھر شبانہ درجہ حرارت میں بتدریج کمی کے باعث 7 اور 8 دسمبر کی درمیانی رات رواں موسم کی سرد ترین رات ریکارڈ کی گئی جس میں کم سے کم درجہ حرارت منفی 4 ڈگری درج کیا گیا۔