کوکرناگ میں سڑک حادثہ، 5 زخمی

بوچھو کوکرناگ میں آج شام دیر ایک ماروتی اور ایک موٹر سائیکل کے درمیان ٹکر ہوئی جس کے نتیجے میں 5 افراد زخمی ہوئے۔

اطلاعات کے مطابق زخمیوں میں چار خواتین اور گاڑی کا ڈرائیور شامل ہیں۔ زخمی شدہ افراد کی شناخت ڈورو شاہ آباد سے تعلق رکھنے والے عاقب احمد بٹ، روہی جان، جبکہ تین خواتین کی شناخت بندو زلنگام کی رہنے والی شریفا بانو، سلیما جان، منیرا جان کے بطور ہوئی۔

مقامی لوگوں کی مدد سے تمام افراد کو سب ڈسٹرکٹ اسپتال کوکرناگ منتقل کیا گیا، جہاں پہ اُن کی حالت مستحکم بتائی جا رہی ہے۔

پولیس نے اس سلسلے میں کیس درج کر کے معاملے کی تحقیقات شروع کی ہے۔