اس موقع پر پارٹی کے سینیئر بی جے پی لیڈر رویندر راینا نے صحافیوں سے بات کرتے ہوئے کہا کہ 'نیشنل کانفرنس اور پیپلز ڈیموکریٹک پارٹی کے رہنماؤں نے جموں و کشمیر میں پچھلے 70 سال سے جمہوریت کا قتل کیا ہے۔ وزیر اعظم نریندر مودی کی سربراہی میں جموریت کو بنیادی سطح تک پہنچایا گیا ہے۔‘‘
اُنہوں نے منتخب کئے گئے چیرپرسنز کو مبارک باد پیش کرتے ہوئے امید ظاہر کی کہ وہ کشمیری عوام کو درپیش مسائل حل کرنے کی ہر ممکن کوشش کریں گے۔
اس موقع پر پارٹی کے سینیئر لیڈر اشوک کول اور سنیل شرما نے بھی پارٹی کارکنوں سے خطاب کیا اور انکی حوصلہ افزائی کی۔
وہیں منتخب چیئرپرسنز کا کہنا ہے کہ اُن کے سامنے بجلی، پانی اور سڑک بڑے مسئلے ہیں اور ان سب سے نپٹنے کی وہ پوری کوشش کریں گے۔
ای ٹی وی بھارت سے بات کرتے ہوئے سنیل شرما کا کہنا تھا کہ ’’پاکستان کی جانب سے کشمیر کے حالات خراب کرنے کی ہر کوشش ناکامیاب اس لیے ہوئی کیوں کہ اُن کا ساتھ دینے والے رہنما اس وقت قید ہیں۔ وہ سارے لیڈر عوام کو بھڑکانے کا کام کرتے تھے۔‘‘
ساتھ ہی اُن کا کہنا تھا کہ وقت آنے پر ان سیاسی لیدڑان کو رہا کر دیا جائے گا لیکن مناسب وقت کا فیصلہ کشمیر کی انتظامیہ کرے گی۔
