ریاست ہماچل پردیش میں حزب اختلاف کانگریس کے تیور کو دیکھتے ہوئے ریاستی اسمبلی کے سات سے 18 ستمبر تک چلنے والے مانسون اجلاس کے ہنگامہ خیز ہونے کا امکان ہے۔
حزب اختلاف کے رہنما مکیش اگنی ہوتری نے میڈیا سے غیر رسمی بات چیت میں ریاست کی خراب حالت کے لیے حکومت کو ذمہ دار قرار دیا ہے۔ انہوں نے کہا کہ حکومت قرض کی مدد سے چل رہی ہے۔
انہوں نے الزام لگایا کہ ریاستی حکومت کرونا سے نمٹنے میں مکمل طور پر ناکام ثابت ہوئی ہے۔ ریاست میں ترقیاتی کام ٹھپ پڑگئے ہیں۔
'مودی حکومت میں ملک کی خوشحالی غائب'
محکمہ صحت اور کورونا بحران میں کئی اسکینڈل ہوئے ہیں۔ اجلاس کے دوران حکومت سے کورونا سے نمٹنے میں ناکامی، کورونا وبا کے دوران بدعنوانی اور ایم ایل اے فنڈز ختم کرنے جیسے معاملوں پر حکومت سے جواب طلب کیا جائے گا۔
کانگریس رہنما کے مطابق گذشتہ چھ مہینوں میں یعنی کورونا بحران میں جو کچھ ہوا، اس سلسلے میں حکومت سے سوالات پوچھے جائیں گے۔
