ریاست ہماچل پردیش کے لاہول اسپیتی میں 12 کلو میٹر تک بھارتی سرحد میں چینی ہیلی کاپٹر داخل ہو گئے۔
گزشتہ ڈیڑھ ماہ میں دو بار چینی ہیلی کاپٹر بین الاقوامی سرحد کے 12 کلومیٹر کے فاصلے پر پرواز کرتے پائے گئے ہیں۔ کورونا کی وبا کے بیچ میں بھی چین کی پرانی عادت ختم نہیں ہوئی۔
سکم کے بعد اب چین نے ہماچل پردیش میں بھارتی سرحد میں دراندازی کی کوشش کی ہے۔ چینی ہیلی کاپٹر ہماچل پردیش کے لاہول اسپیتی میں 12 کلو میٹر تک بھارتی سرحد میں داخل ہوگئے۔
یہ چینی ہیلی کاپٹر اسٹریٹجک لحاظ سے اہم ضلع لاہول-اسپیتی میں سومدو پولیس چیک پوسٹ کے قریب دیکھے گئے ہیں۔
پولیس نے اس کی اطلاع آرمی، آئی بی، آئی ٹی بی پی اور دیگر سیکیورٹی اداروں کو دی ہے۔ اطلاع پر سیکیورٹی اداروں نے معاملے کی تفتیش شروع کردی ہے اور سرحد پر سیکیورٹی بڑھا دیا گیا ہے۔
لاہول-اسپیٹی ایس پی راجیش دھرمانی نے بتایا کہ اس معاملے کی اطلاع فوج اور دیگر سکیورٹی ایجنسیوں کو دی گئی ہے۔ چینی ہیلی کاپٹر دو بار بہت بہت نیچے کی طرف اڑان بھڑتا پایا گیا ہے۔ پہلا واقعہ اپریل کے آخر میں ہوا تھا جبکہ مئی کے پہلے ہفتے میں دوسری بار ایک چینی ہیلی کاپٹر ہماچل بارڈر پر اڑان بھرتے دیکھا گیا۔ 12 کلومیٹر کے اندر آنے کے بعد ہیلی کاپٹر تبت واپس چلے گئے۔
