پولیس ذرائع کے مطابق ضلع کُلُّو میں آنی سب ڈیویژن کی ڈیم پنچایت کے شِلہی گاؤں کے قریب شام تقریباً پانچ بجے ایک اسکارپیو کے اچانک بے قابو ہوکر 500 فٹ گہری کھائی میں گر جانے کے سبب اس میں سوار پانچ افراد کی موت ہوگئی ہے۔ اسکارپیو میں کتنے افراد تھے ابھی اس کی حتمی اطلاع نہیں ہے۔
کُلُّو میں سڑک حادثہ، پانچ افراد ہلاک
کُلُّو پولیس افسر گورو سنگھ نے بتایاکہ حادثے میں پانچ افراد کی موت کی اطلاع موصول ہورہی ہے۔ پولیس ٹیم جائے وقوعہ پر پہنچ گئی ہے۔ ہلاک ہونےو الوں کی شناخت راکیش کمار، پون کمار، گیان چند، بلونت اور کایتھ کے طور پر ہوئی ہے۔حادثے کی اطلاع ملتے ہی انتظامی افسر جائے وقوعہ کے لیے روانہ ہوگئے ہیں اور حادثے میں مارے گئے افراد کی لاشوں کو مقامی افراد کی مدد سے ریسکیو کیا جارہا ہے۔
