ہریانہ میں کورونا کے دو مریض مثبت پائے گئے

ہریانہ کے گروگرام میں دو مریضوں میں آج کرونا وائرس سے متاثر ہونے کی تصدیق ہوئی ہے ،اس کے ساتھ ہی کورونا سے متاثر مریضوں کی تعداد بڑھ کر چار ہوگئی ہے

ریاست ہریانہ کےگروگرام میں دو مریضوں میں آج کورونا وائرس سے متاثر ہونے کی تصدیق ہوئی ہے، اس کے ساتھ ہی کورونا سے متاثر مریضوں کی تعداد بڑھ کر چار ہوگئی ہے۔ یہ چاروں مریض گروگرام ضلع سے ہیں۔
یہ اطلاع آج دیر شام ہریانہ حکومت کے جاری میڈیا بلیٹن میں دی گئی۔ میڈیا بولیٹن کے مطابق جن دو مریضوں میں آج کورونا وائرس کی تصدیق ہوئی ان میں ایک 22 سالہ لڑکی ہے جو 14 مارچ کو لندن سے آئی تھی۔

ہریانہ میں کورونا کے دو مریض مثبت پائے گئے

انہیں کھانسی اور گلے میں خراش کی شکایت تھی اور 16 مارچ کو ان کے نمونے جانچ کے لئے سول ہسپتال میں لائے گئے تھے۔ جس کے بعد انہیں الگ تھلگ رکھا گیا ہے۔ دوسرے معاملہ 42 سالہ ایک خاتون کی ہے ۔ وہ بھی لندن سے ہی 7 مارچ کو آئی تھی اور پہلے انہیں گھر میں قرنطینہ میں رکھا گیا تھا۔ 9 مارچ کو انہیں دہلی کے صفدر جنگ ہسپتال میں بھرتی کرایا گیا تھا۔ ان کے قریبی رابطے میں آئے آٹھ لوگوں کے نمونے ابھی جانچ کے لئے بھیجے گئے ہیں۔