چائے والے پر 50 کروڑ روپے کا قرض؟

کروکشیتر میں ایک انوکھا واقعہ سامنے آیا ہے جہاں ایک چائے والا کورونا وائرس کی وجہ سے اس کی مالی حالت خراب ہو گئی ہے، جس کے سبب وہ قرض لینے کے لیے بینک پہنچا تو وہیں بینک والوں نے کہا کہ آپ نے پہلے سی 50 کروڑ روپے کا قرض لے رکھا ہے۔

ریاست ہریانہ کے کروکشیتر میں چائے فروش راج کمار کا کہنا ہےکہ کووڈ 19 کی وجہ سے پیدا شدہ صورتحال کے دوران ان کی مالی حالت خراب ہو گئی ہے۔

جس کے بعد انہوں نے بینک میں قرض کے لیے درخواست دی لیکن بینک انتطامیہ نے انہیں قرض دینے سے انکار کر دیا کیونکہ انہیں کہا گیا کہ ان پر پہلے سے ہی 50 کروڑ رو پے کا قرض ہے۔

اس نے دعویٰ کیا کہ وہ بنا قرض لیے بنکوں کے 50 کروڑ روپے کا ڈیفالٹر ہوگیا ہے

اس نے کہا کہ لاکھوں روپے تو آج تک صحیح سے دیکھ نہیں پایا ہے، لیکن بینک والے الزام لگارہے ہیں کہ اس نے 50کروڑ روپے کا قرض لیا ہے۔

اس واقعہ کے منظر عام پر آنے کے بعد علاقے میں ا لگ الگ طرح کی قیاس آرائی کی جارہی ہے۔