کورونا وائرس سے متاثر سات افراد آج شہید حسن خاں میواتی میڈیکل کالج سے صحت یاب ہو کر اپنے گھر واپس لوٹ گئے، ان میں سے دو افراد کا تعلق نوح، دو کا پلول، دو کا گروگرام اور ایک کا تعلق فریدآباد سے ہے۔
جانکاری کے مطابق شہید حسن خاں میواتی میڈیکل کالج کو خصوصی طور پر کووڈ 19 ہسپتال بنایا گیا ہے، اسی کے پیش نظر یہاں نوح میوات کے علاوہ دیگر ہاٹ اسپاٹ اور ریڈ زون والے علاقوں کے مریضوں کو رکھا گیا ہے۔
وہیں ریاست ہریانہ کے ضلع نوح میں کورونا سے متاثر 2 مزید افراد کی رپورٹ نگیٹو آنے کے بعد اب صحت یاب ہونے والے افراد کی تعداد 46 ہو گئی ہے ۔
محکمہ صحت کی جانب سے جاری تازہ اعداد و شمار کے مطابق اب ضلع میں محض 11 کیس ہی ایکٹیو رہ گئے ہیں۔ جبکہ ابھی 190 افراد کی رپورٹ آنا باقی ہے۔
غور طلب ہے کہ نوح میں گزشتہ ایک ہفتے سے کورونا وائرس کا کوئی بھی کیس مثبت سامنے نہیں آیا ہے۔ تاہم صحت یاب ہونے والے افراد کی تعداد میں مسلسل اضافہ ہو رہا ہے۔
