ضلع یوتھ کانگریس کا کہنا ہے کہ وقف انجینئرنگ کالج (میوات) اور یاسین میو ڈگری کالج کا گزشتہ کئی برسوں سے سیاسی کے لیے استعمال ہو رہا ہے۔ آئے دن دونوں کالجز کے اندر بی جے پی کارکنان سیاسی میٹنگ کرتے ہیں۔
اس سے طلبا کو کافی پریشانیوں کا سامنا کرنا پڑتا ہے۔ ایک طالب علم نے بتایا یا کہ اس کی شکایت طلبا نے پرنسپل سے بھی کی، لیکن اس پر کوئی کارروائی عمل میں نہیں لائی گئی۔
ضلع یوتھ کانگریس نے مزید بتایا کہ مذکورہ تعلیمی اداروں میں جہاں نوٹس بورڈ، اور علمی شخصیات کے فوٹو اور کالج کے کارنامے رقم ہونے چاہئیں، وہاں بی جے پی رہنماؤں کی تصاویر اور ہورڈنگ لگی رہتی ہیں۔
اساتذہ کی کمی، بجلی، پانی اور دیگر سہولیات کو پورا کرنے کے بجائے کالجوں کو سیاسی استعمال کا اڈہ بنا لیا گیا ہے، اس سے طلبہ کی تعلیم پر برا اثر پڑتا ہے۔
اس موقع پر الطاف حسین ڈی کے، شمیم رہنیہ، برہان، بلجیت، تسلیم ،گڈو، دلشاد اور ارشاد کے علاوہ متعدد طلبا موجود تھے۔
