نوح کی جامع مسجد میں عام طور سے ڈھائی ہزار فرزندان توحید جمعہ کے روز نماز ادا کرتے ہیں لیکن آج جامع مسجد نوح میں چند افراد نے نماز ادا کی۔
دیکھیں ویڈیو
غور طلب ہے کہ جمعرات کو ہی پورے میوات میں شرعی مجلس اور امارت شرعیہ میوات کی طرف سے تحریری طور پر اور مفتی زاہد حسین اور مولانا خالد قاسمی کی طرف سے یہ اعلان کر دیا گیا تھا کہ جمعہ کی نماز کے لئے گاؤں سے شہروں کی طرف رخ نہ کیا جائے۔
اس کے علاوہ صوبائی جمعیت اہلحدیث ہریانہ کے ناظم مولانا عبدالرحمن نے بھی مساجد میں نماز نہ ادا کرنے کی اپیل کی تھی۔ اس طرح مسلم اکثریتی علاقہ میوات میں مکمل طور سے محدود سطح پر ہی جمعہ کی نماز ادا کی گئی اور گاؤں میں ظہر کی نماز پر اکتفا کیا گیا۔
