دسویں کےامتحان میں میوات کے طلبہ نے امتیازی نمبرات حاصل کیے

ریاست ہریانہ میں ہریانہ بورڈ آف سکینڈری ایجوکیشن کی جانب سے جاری کردہ نتائج میں میوات کے طلبہ نے امتیازی مقام حاصل کیا۔

گذشتہ برس میوات کے نتیجے 39.80% تھے جبکہ وہ درجہ بندی کے لحاظ سے 21 ویں مقام پر تھا اس مرتبہ 61.45% فیصدی نتیجوں کے ساتھ میوات ریاست کے ٹاپ 5 میں شامل ہو گیا۔

اس طرح میوات نے گروگرام پلول، روہتک سونی پت اور فریدآباد جیسے ترقی یافتہ اضلاع کو پیچھے چھوڑ دیا ہے۔

واضح رہے میوات میں تعلیمی وسائل کی بے حد کمی ہے زیادہ تر اساتذہ کی آسامیاں خالی پڑی ہیں۔

یہاں کے سماجی کارکنان کے مطابق حکومت کو تعلیمی صورتحال پر خصوصی توجہ دینے کی ضرورت ہے تاکہ یہاں کے طلباء اور بہتر کارکردگی کا مظاہرہ کرکرسکیں۔