خبر کے مطابق جائے حادثہ پر موجود افراد نے شوہر عارف کو نوح کے میڈیکل کالج نلہر میں داخل کرایا ہے۔ موجود لوگوں نے بتایا کہ متوفیہ کی موقع پر ہی موت ہوگئی تھی۔ جسے ڈسٹرکٹ ہسپتال مانڈی کھیڑا لایا گیا۔ موصولہ اطلاع کے مطابق عارف کسی کام کے لئے اپنی اہلیہ کے ہمراہ اپنے گاؤں سے بڑکلی چوک جارہا تھا کہ اچانک پیچھے سے ایک کنٹینر نے اس کو زبردست ٹکر مار دی۔
اس کیس کے تفتیشی افسر سنجیو نے بتایا کہ متوفی کا پوسٹ مارٹم کیا جارہا ہے۔ اس کے بعد لاش لواحقین کے حوالے کردی جائے گی۔ نگینہ تھانے میں ایک کیس درج کیا گیا ہے اور اس ضمن میں کارروائی عمل میں لائی جارہی ہے۔
غور طلب ہے نیشنل ہائی وے 248 اے کو حادثات کی کثرت کی وجہ سے خونی ہائی وے کہا جانے لگا ہے۔ علاقائی لوگوں کے مطالبے کے باوجود حکومت اسے فورلین کرنے کو تیار نہیں ہے۔
