میوات: ماہ رمضان میں 24 گھنٹہ بجلی کی فراہمی

رمضان المبارک کا مقدس مہینہ شروع ہو چکا ہے ساتھ موسم گرما کی وجہ سے درجہ حرارت میں مسلسل اضافہ ہوتا جا رہا ہے اس لیے ہریانہ کے ضلع میوات میں انتظامیہ نے اس ماہ میں 24 گھنٹہ بجلی فراہمی کا اعلان کیا ہے۔

ریاست ہریانہ کے ضلع نوح، میوات میں محکمہ بجلی کی جانب سے اعلان کیا گیا کہ رمضان المبارک میں پورے ضلع میں تمام فیڈر سے 24 گھنٹے بجلی فراہمی کی جائے گی۔

یہ جانکاری بجلی محکمہ کے ایس ڈی او پرمود کمار نے دی۔

ماہ رمضان میں 24 گھنٹہ بجلی

انہوں نے کہا کہ 'ضلع انتظامیہ کی جانب سے ملنے والی لیٹر اور اعلیٰ افسران کی جانب سے منظوری کی بعد یہ فیصلہ لیا گیا ہے۔

واضح رہے کہ ہر سال رمضان المبارک میں 24 گھنٹہ بجلی فراہمی کی جاتی ہے اور اس سال بھی سماجی کارکنان اور نوح سے رکن اسمبلی آفتاب احمد نے 24 گھنٹے بجلی فراہمی کا مطالبہ کیا تھا جسے منظور کر لیا گیا۔