ریاست ہریانہ میں ضلع نوح کے شاہی عیدگاہ میں کورونا وائرس کے سبب نماز ادا نہیں کی جائے گی، عوام کو عیدالاضحی کی نماز اپنے گھروں اور محلے کی مسجد میں ادا کرنے کی ہدایت جاری کی گئی ہے۔ یہ جانکاری جمعیت علماء ہند کے سابق ریاستی صدر مولانا خالد قاسمی امام شاہی عید گاہ نے دی۔
انہوں نے کہا کہ 'کورونا وائرس کا قہر مسلسل جاری ہے۔' ایسے میں محکمہ صحت اور ضلع انتظامیہ کی ہدایات کے مطابق سماجی دوری بنائے رکھنا ضروری ہے۔ اسی ضمن میں ضلع کے تمام افراد سے گزارش کی جاتی ہے کہ وہ عید گاہ میں نماز ادا کرنے کے بجائے اپنے گھروں یا محلہ کی مسجد میں نماز ادا کریں۔
انہوں نے کہا کہ 'عید الفطر بھی مسلمانوں نے محکمہ صحت اور حکومت کی ہدایات پر عمل کرتے ہوئے گزاری ہے اور اب بھی حالات بہتر نہیں ہیں اسی کے مدنظر نوح کی شاہی عید گاہ میں نماز ادا نہیں کرنے کا فیصلہ لیا گیا ہے۔
