نئے زرعی قوانین کے خلاف کسانوں کی تحریک میں دن بہ دن شدت آتی جارہی ہے۔ یہی وجہ ہے کہ کسان تحریک کی حمایت میں کسان مہا پنچایت کے قومی صدر رام پال جاٹ کی قیادت میں تقریباً چار کلومیٹر علاقے میں کسان خیمہ زن ہیں، وہیں راشٹریہ لوک تانترک پارٹی کے کنوینر اور ناگور سے رکن پارلیمان ہنومان بینی وال بھی اپنے حامیوں کے ساتھ آج دوپہر کوٹ پتلی سے دہلی کے لئے کوچ کریں گے۔
دہلی کوچ کرنے والوں کو ہریانہ سرحد پر شاہجہاں پور میں روکا جارہا ہے، اس لئے قومی شاہراہ کی جانب کسان اور ان کی حمایت میں آنے والوں نے اپنے ٹریکٹروں اور سڑک کے کنارے ہی اپنے خیمے لگا رکھے ہیں۔
مسٹر جاٹ نے بتایا کہ تحریک کی حمایت میں کسانوں کے آنے کا سلسلہ مسلسل جاری ہے اور آج دوپہر مسٹر بینی وال کے ساتھ بھی کسانوں کا جتھہ شاہجہاں پور بارڈر پہنچے گا۔
یو این آئی
