ہریانہ کا شخص سعودی کے سڑک حادثے میں ہلاک

ریاست ہریانہ کے ضلع جیند میں نروانا کا ایک شخص جو سعودی عرب میں ٹرک ڈرائیور کے طورپر کام کرتا تھا، اس کی وہیں ایک سڑک حادثے میں موت ہو گئی۔

چھبیس سال سالہ سمرن سنگھ کے رشتہ داروں نے بتایا کہ سمرن کی 29دسمبر کو سعودی عرب میں ایک سڑک حادثے میں موت ہو گئی۔ بھائی نودیپ سنگھ نے بتایا کہ خاندان کی اقتصادی حالت ٹھیک نہ ہونے کی وجہ سے سمرن کو کام کرنے کےلئے غیرملک بھیجا تھا۔ سمرن سعودی عرب میں فلح اینڈ عبداللہ سیدالاعظمی ٹرانسپورٹ کمپنی میں ٹرک ڈرائیور کی نوکری کرتا تھا۔

سمرن کے والد اروند نے بتایا کہ سعودی عرب میں دیگر رشتہ داروں سے بات کرکے اور قانونی کارروائی کرکے لاش کو نروانا لایا جائےگا۔ انہوں نے بتایا کہ لاش کو لانے میں کم از کم ایک ہفتہ لگ جائےگا۔