ہریانہ: پولیس کے ذریعہ اذان پر پابندی کا معاملہ

ماہ رمضان کی آمد کے ساتھ ہی ملک مختلف ریاستوں کے شہروں میں اذان اور سائرن پر پابندی کے تعلق مختلف طرح کی باتیں اور ویڈیوز سوشل میڈیا پر گشت کرنے لگیں۔ قومی دارالحکومت دہلی میں بھی ایک ایسا ہی ویڈیو وائرل ہوا تھا ۔ اور اب ہریانہ کے فریدآباد میں ایسی ہی باتیں گشت کر رہی ہیں۔

ریاست ہریانہ کے فریدآباد آباد سمیت کئی ضلعوں میں پولیس انتظامیہ کی جانب سے رمضان میں اذان پر پابندی کی بے بنیاد کوشش کی گئیں۔ جس کے بعد جمعیت علماء میوات کے جنرل سیکریٹری مولانا صابر قاسمی کی قیادت میں ایک وفد نے ڈپٹی کمشنر نوح پنکج کی معرفت وزیر اعلی کے نام خط ارسال کیا تھا۔ اور تحریری طور پر اذان اور سائرن بجا نے کی کی اجازت طلب کی گئی تھی۔

جس کے بعد آج فرید آباد میں پولیس افسران کی طرف پولس کو کہا گیا کہ اذان کو معمول کے مطابق ہونے دیں اور سائرن پر کوئی روک نہ لگائیں۔یہ جان کاری جمعیۃ علماء میوات کے سیکریٹری مولانا صابر قاسمی نے دی۔