ٹرائل ٹیم کی پرنسپل انویسٹی گیٹر ڈاکٹر سویتا ورما نے کہا کہ 'کوویکسین کے پہلے مرحلے کا ٹرائل روہتک کے میڈیکل سائنسز کے پوسٹ گریجویٹ انسٹی ٹیوٹ (پی جی آئی) میں مکمل کیا گیا۔'
ڈاکٹر ورما نے کہا کہ ہفتے کو پہلے مرحلے کے دوسرے حصے کے تحت چھ افراد کو یہ ویکسین پلائی گئی تھی۔
انہوں نے کہا کہ 'ویکسین ٹرائل کے پہلے مرحلے میں کوویکسین کا ٹرائل مکمل ہوچکا ہے۔ پورے بھارت میں 50 افراد کو یہ ویکسین پلائی گئی تھی اور اس کے نتائج حوصلہ افزا تھے۔ دوسرے حصے کے تحت ہفتے کو چھ افراد کو ویکسین پلائی گئی تھی۔'
یہ بھی پڑھیں
بھارت: ایک دن میں کورونا کے 48 ہزار سے زائد نئے کیسز
کورونا وائرس کے خلاف بھارت کے پہلے ویکسین ' کوویکسین کا ٹرائل پی جی آئی روہتک میں 17 جولائی کو شروع ہوا تھا۔ اس دن تین رضاکاروں کو کوویکسین دی گئی۔
آئی سی ایم آر اور نیشنل انسٹی ٹیوٹ آف وائرولوجی (این آئی وی) کے اشتراک سے حیدرآباد میں واقع بھارتی بائیوٹیک نے تیار کیا۔ کووڈ 19 کے ویکسین ' کوویکسین' کو حال ہی میں ڈرگس کنٹرولر جنرل آف انڈیا کی طرف سے ہیومین ٹرائل کی منظوری دی گئی ۔
دہلی ایمس ان 12 سائٹس میں شامل ہے جن کو انڈین کونسل برائے میڈیکل ریسرچ (آئی سی ایم آر) نے کوویکسین کے ٹرائلز کے انعقاد کے لیے منتخب کیا ہے۔
