ہریانہ: کانڈا کی حمایت پر کانگریس کی نکتہ چینی

ہریانہ میں حکومت کی تشکیل کے لیے آزاد امیدوار کے بطور جیت درج کرنے والے گوپال کانڈا کی حمایت حاصل کرنے کی کوشش کرنے پر کانگریس نے بھارتیہ جنتاپارٹی (بی جے پی) پر سخت نکتہ چینی کی ہے۔

کانگریس نے بی جے پی پر دوہرا معیار اختیار کرنے کا الزام عائد کیا ہے۔ مہیلا کانگریس کی صدر سشمتا سنگھ دیو نے ٹویٹ کیا کہ 'بی جے پی کا نیا کنگ میکر جنسی زیادتی اور قتل کے لیے اشتعال دلانے کا ملزم ہے۔'

دیو نے وزیر داخلہ امت شاہ کو تحریری طور پر حکومت کے نعرے’بیٹی بچاؤ، بیٹی پڑھاؤ‘پرسوال اٹھائے اور کہا کہ جنسی زیادتی کے ملزم کانڈا کے معاملے میں پارٹی دوہرا رخ اختیار کر رہی ہے۔ انہوں نے کہا کہ 'کانڈا جیسے شخص کے ساتھ متعلقہ پارٹی کی اخلاقی اقدار پر مؤثر سوالات قائم کرتا ہے۔'