خاتون کے بیٹے نے ٹیم کے ساتھ جم کر گالی گلوچ کی اور گھر سے باہرنکال دیا۔ اس نے لاٹھی بھی نکال لی اور پولیس اہلکاروں کے ساتھ ہونےکے باوجود بھی کورونا ٹیسٹ کروانے سے انکار کردیا۔
اس کا کہنا تھا کہ مرجاؤں گا لیکن ٹیسٹ نہیں کرواؤں گا۔ اب محکمہ صحت کی ٹیم نے اس کے خلاف معاملہ درج کرلیا ہے۔
موصولہ اطلاعات کے مطابق گاؤں دارسول میں ایک خاتون کورونا پازیٹو پائی گئی۔ خاتون کے متاثرہ ہونے کے بعد محکمہ صحت کی ٹیم جمعہ کے روز کنبہ کے دیگر افراد کے نمونے لینے پہنچی۔ ٹیم کے ساتھ پولیس اہلکار بھی تھے۔
گھر میں خاتون کا بیٹا وکیل بھی موجود تھا۔ وہ محکمہ صحت کی ٹیم کو دیکھتے ہی زورزور سے چلانے لگا اور گالی گلوچ کرنے لگا۔ ڈاکٹر دنیش نے اسے سمجھایا کہ سیپمل دے دیں، اس پر بیٹا پیچھے مڑ کر بولا کہ مرجاؤں گا لیکن سیمپل نہیں دوں گا۔
