ریاست ہریانہ کے سونی پت میں ایک ڈھابے نے کئی ریاستوں کے لوگوں کی پریشانیوں میں اضافہ کردیا ہے۔ دہلی-چندی گڑھ شاہراہ پر واقع سکھدیو ڈھابہ کے 65 ملازمین کورونا مثبت پائے گئے ہیں۔ جس کی وجہ سے محکمہ صحت میں ہلچل کا ماحول ہے۔ اس کی اطلاع سونی پت کے ڈی سی شیام لال پنیہ نے دی۔
واضح رہے کہ ہریانہ کے سونی پت میں مرتھل کا سکھدیو ڈھابہ اپنے مزیدار ذائقے کے لیے مشہور ہے، ملک میں کورونا کا قہر جاری ہے لیکن لیکن دہلی، اتر پردیش، ہریانہ، پنجاب، ہماچل اور جموں جانے والے لوگ اس کا ذائقہ چکھنے سے پیچھے نہیں ہٹتے۔ اس ڈھابے پر روزانہ ہزاروں افراد آتے ہیں۔
یہ بھی پڑھیں: راجستھان: ستیش پونیا کورونا سے متاثر
ڈپٹی کمشنر نے 65 ملازمین کی مثبت پائے جانے کے بعد کہا کہ 'مرکزی حکومت نے کورونا کو لےکر جو بھی گائیڈ لائن جاری کی ہے اس کے پیش نظر ڈھابہ کے خلاف کارروائی کی جائے گی۔
