ریاست گجرات کے وزیراعلی وجئے روپانی کے سکریٹری نے بتایا کہ ریاست میں موجود کووڈ 19 کے تمام 31 اسپتالوں میں کورونا وائرس متاثرہ مریضوں کا علاج مفت کیا جائے گا۔
انہوں نے کہا کہ تمام اخراجات حکومت گجرات برداشت کرے گی۔ گجرات کے 26 اضلاع میں 31 کووڈ اسپتال ہیں۔
اس کے علاوہ انہوں نے کہا کہ سرکاری دفاتر کھلے رہیں گے جس میں صرف کلاس 3-4 ملازمین کو بلایا جائے گا۔ ہاٹ سپاٹ کنٹینمنٹ زون میں دفاتر نہیں کھولیں گے۔ سرکاری دفاتر 20 اپریل کے بعد کھلیں گے۔ دوسرے ملازمین گھر سے کام کریں گے۔ ملازمین کی باقاعدہ اسکریننگ بھی کی جائے گی۔
اشونی کمار نے کہا کہ کلاس 1-2 کے ملازمین کے لئے فیصلہ آنے والے وقت میں کیا جائے گا۔ محکمہ کے سربراہ ہی اپنے ملازمین کو بلانے کا فیصلہ کریں گے۔
نیز ضلع کچھ کے لئے بھی راحت خبر ہے۔ ضلع کچھ میں 45 صنعتی اکائیوں کی منظوری دی گئی ہے۔یہ صنعتی یونٹ 20 اپریل کے بعد شروع کیا جائے گا۔
