وزیراعظم نریندر مودی 8 نومبر کو سورت کی ہجیرا بندرگاہ سے بھاونگر کے گھوگھا بندرگاہ تک روپیکس فیری خدمات کا آغاز کریں گے، اس کے ساتھ ہی رورو ٹرمینل پورٹ کا ورچوئل افتتاح کریں گے۔
اس موقع پر گجرات کے وزیر اعلی وجے روپانی بھی موجود رہیں گے، اس تعلق سے مرکزی وزیر منوسوکھ مانڈویہ نے آج احمدآباد میں میڈیا سے خطاب کرتے ہوئے بتایا کہ برسوں سے سورت میں رہنے والے شوراشٹر کے لوگوں کے لیے وزیراعظم نریندر مودی کی جانب سے دیوالی کا تحفہ ہے۔
انہوں نے مزید بتایا کہ اب تک لوگوں کو سورت سے شوراشٹر جانے کے لیے دس سے بارہ گھنٹے کا سفر طے کرنا پڑتا تھا لیکن رو پیکس فیری خدمات شروع ہونے کے بعد سورت سے شوراشٹر تک جانے میں صرف چار گھنٹے کا وقت لگے گا، اس لئے یہ خدمات شوراشٹر کی عوام کے لیے نعمت ثابت ہوں گی۔
انہوں نے مزید بتایاکہ روپیکس فیری خدمات ایک دن میں تین دورے کرگے گی اور روپیکس فیری خدمات سورت سے شوراشٹر کے درمیان نقل و حمل کو کم مہنگا اور آسان بنا دے گا۔
