احمدآباد: گجرات میں ہونے والے اسمبلی انتخابات کی تیاریاں زور شور سے جاری ہے۔ حکمراں جماعت بی جے پی سمیت تمام اپوزیشن جماعتوں نے ووٹرز کو اپنی اپنی طرف راغب کرنے کی کوششوں میں مصروف ہیں۔ اسی درمیان سوشل ڈیموکریٹک پارٹی آف انڈیا نے پارٹی دفتر میں گجرات اسمبلی انتخابات کے لئے امیدواروں کے ناموں کا اعلان کرتے ہوئے ریاست کی عوام سے حمایت کرنے کا اعلان کیا۔
پریس کانفرنس کو خطاب کرتے ہوئے سوشیل ڈیموکریٹک پارٹی آف انڈیا کے قومی نائب صدر محمد شفیع نے کہا کہ ان کی سیاسی جماعت گجرات میں خوف و ہراس اور بدعنوانی کے خاتمے اور عوام کے تمام مسائل پر سنجیدگی سے کام کر رہی ہے۔امید ہے کہ عوام اس بنیاد پر ایس ڈی پی آئی کی حمایت کریں گے۔ Social Democratic Party Of India Announce Candidate Name For Gujarat Assembly Election
انہوں نے کہا کہ دریا پور سے ارشاد شیخ، جمال پور سے محسن قریشی، ویجلپور سے امجد خان پٹھان، دانی لمڈا سے کم کم بین راٹھور، انجار سے روشن علی شاندانی، سدھ پور سے مسیح اللہ گھگھا، بہاولنگر ویسٹ سے منہر کانجی راتھوڑ، سورت مشرق سے عباس ہانس، جلال پور سے محمد شوکت علی نو شرکار، نوساری سے عبدالقدیر اور وڈگام، پالنپور سومناتھ ، بہاونگر ایسٹ میں بھی ہم اپنے امیدواروں کے ناموں کا اعلان جلد کریں گے۔
