احمدآباد:ریاست گجرات میں جماعت اسلامی ہند اور ایس آئی او کی جانب سے معاشرے میں مثبت تبدیلی لانے کی پہل کی جا رہی ہے جس کے لئے شکیل احمد راجپوت (سیکرٹری JIH گجرات)، جاوید قریشی (علاقائی صدر SIO گجرات)، اقبال احمد مرزا (سٹی صدر، JIH احمد آباد) اور دیگر سکریٹریوں نے اپنے زونل ہیڈ کوارٹر میں ریاست گیر مہم کا آغاز کیا جس کا نام "آؤ.. مل کر مثبت تبدیلی کا حصہ بنیں"۔ یہ ریاست گیر مہم ایک ہم آہنگی اور جمہوری معاشرے کی تعمیر کے لیے ایک محرک کے طور پر اتحاد کو فروغ دے گی۔
آئی ایس او کے علاقائی صدر جاوید قریشی نے اس تعلق سے کہا کہ تقریباً چار دہائیوں سے اسٹوڈنٹس اسلامک آرگنائزیشن آف انڈیا (SIO) قومی سطح پر کام کر رہی ہے جو طلباء اور نوجوانوں کو اسلامی اصولوں کے تحت معاشرے میں مثبت کردار ادا کرنے کی کوشش کریں۔آئیے ہم آہنگی، ہمدردی اور امن پھیلانے کے لیے، سب کے لیے ایک روشن مستقبل کی راہ ہموار کرنے کے لیے اکٹھے ہوں۔
یہ بھی پڑھیں:گومتی پور علاقے میں واقع بند اسکولوں کو کھولنے کا مطالبہ
انہوں نے کہاکہ ہم نے "آؤ.. ایک ساتھ مل کر مثبت تبدیلی کا حصہ بنیں" یہ مہم خاص طور پر طلباء اور نوجوانوں کی حوصلہ افزائی کرنے کے لئے شروع کی ہے ۔ وہ ایک بہتر معاشرے کی تعمیر نو میں فعال کردار ادا کریں۔
