كامریج کے فائر بر یگیڈ افسر جوراور سنگھ نے بتایا کہ نوا پورہ گاؤں کے نزدیک كيم جی آ ئی ڈی سی میں سملون انڈسٹریز لمیٹڈ نامی پلاسٹک بنانے والی فیکٹری کی پہلی منزل پر واقع سٹور روم میں رکھے کیمیکل میں آج علی الصبح تقریبا تین بجے اچانک آگ لگ گئی اور دیکھتے ہی دیکھتے آگ نے شدید رخ اختیا ر کر لیا ۔
آگ لگنے کی اطلاع موصول ہی فائر بریگیڈ کی آٹھ گاڑیاں اور فائر بریگیڈ کے اہلکار موقع پر پہنچ گئے ۔ تقریبا سات گھنٹے کی سخت مشقت کے بعد صبح دس بجے آگ پر قابو پا لیا گیا ۔
کیمیکل میں لگی آگ کے دھماکے کی آواز سنتے ہی سٹور روم کے نیچے فیکٹری میں کام کر رہے تقریبا 15 سے 20 ملازم فیکٹری سے محفوظ باہر نکل آئے تھے ۔ حادثے میں کسی جانی نقصان کی اطلاع نہیں ہے ۔ لیکن آگ سے وہاں رکھا سارا سامان جل کر خاکستر ہو گیا ۔
