جمعیت علماء ہند گجرات کے جنرل سیکریٹری نثار احمد انصاری نے کہا کہ جمعیت نے پورے ملک میں جمعیت یوتھ کلب بنایا ہے۔ اس یوتھ کلب کے ماتحت بھارت اسکاؤٹ اینڈ گائیڈ کے تحت ہم اسکاؤٹ کی تربیت دیتے ہیں، جو پورے ملک میں دی جا رہی ہے۔ اس کے ساتھ ہی گجرات کے سات اضلاع میں بھی اسکاؤٹ ٹریننگ دی جا رہی ہے۔ آج ہمارے اسکاؤٹ کے بچوں نے اس ٹریننگ میں مختلف اسٹنٹ اور کرتب دکھائیں اور نئے بچوں کی حوصلہ افزائی کی اور تقریبا پانچ سو لوگوں نے اس پروگرام میں حصہ لیا۔
وہیں جمعیت علمائے ہند گجرات کے سیکریٹری اسلم قریشی نے کہا کہ اسکاؤٹ اینڈ گائیڈ کی ٹریننگ کے لیے جمعیت علماء ہند کے صدر محمود مدنی کافی فکرمند ہیں اور وہ چاہتے ہیں کہ لوگوں کے اندر اور ہمارے قوم کے بچے بیدار ہوں۔ ان کے اندر فزیکل اور دماغی طاقت بہت تیزی سے پیدا ہو اور اسی فکر کو لے کر جمعیت علماء گجرات نے بھی اسکاؤٹ اینڈ گائیڈ کا رامول کے مدنی نگر میں پروگرام رکھا۔ Aslam Qureshi, Secretary, Jamiat Ulema-i-Hind, Gujarat
یہ بھی پڑھیں:
Kishan Bharwad Murder Case: سورت سمیت کئی شہروں میں احتجاجی مظاہرے
تاہم جمعیت علمائے ہند احمدآباد کے جنرل سیکرٹری مولانا عبدالرزاق پٹھان نے کہا کہ اسکاؤٹ اینڈ گائیڈ ٹریننگ کیمپ میں طلبا نے ایک سے بڑھ کر ایک فن کرتب کا مظاہرہ کیا، جس میں خاص طور سےکوئی ایمرجینسی، یا آفت آگ لگ گئی تو کیسے اور کیا کرکے لوگوں کی جان بچائی جا سکتی ہے۔ اس تعلق سے انہوں نے بچوں کو ڈیمو دکھایا۔
اس پروگرام میں شرکت کرنے والے جمعیت علمائے ہند گجرات کے سیکرٹری مولانا محبوب الرحمن قاسمی نے کہا کہ پورے بھارت میں بھارت اسکاؤٹ اینڈ گائیڈ کی ٹریننگ کی جاتی ہے، جس کے تحت جمعیت کے بچے بھی تربیت لے رہے ہیں یہ ٹریننگ دینے کا کافی فائدہ پہنچ رہا ہے کیونکہ کورونا کے دور میں جب لوگ کورونا سے ہلاک ہونے والوں کی لاشیں دفنانے سے گریز کر رہے تھے اس وقت بھی اسکاؤٹ کے بچوں نے ہر مذاہب کے لوگوں کی لاشوں کی آخری رسومات ادا کر لوگوں کی مدد کی تھی۔
