ریاست گجرات کے شہر احمد آباد میں گذشتہ رات سے ہی بیشتر علاقوں میں بارش ہو رہی ہے آج شام سے تیز ہواؤں کے ساتھ بارش شروع ہوگئی، ایسے میں احمدآباد کے نارن پورہ،گھاٹلوڈیا، ایس جی ہائی وے، سیٹلائٹ، رانی، جمال پور گومتی پور، رکھیال،باپو نگر جیسے علاقوں میں مسلادھار بارش ہونے سے ایک طرف عوام کو گرمی سے راحت ملی، تو دوسری جانب آفیس سےگھر جانے والے لوگ پریشانی کا شکار ہوئے۔
دراصل گذشتہ ہفتے سے ہی جنوبی گجرات، سوراشٹر، کے مختلف علاقوں میں بارش جاری ہے، لیکن اس دوران احمدآباد سمیت وسطی گجرات اور شمالی گجرات بارش نہ ہونے کی وجہ سے لوگوں کو شدید گرمی کا سامنا کرنا پڑ رہا تھا۔
ایسے میں آج سے محکمہ موسمیات کی پیشن گوئی کے مطابق بارش ہوئی ہے تاہم محکمہ موسمیات نے مزید پیشن گوئی کرتے ہوئے کہا کہ ہے کہ بحر عرب میں اپر ایر سائیکلونک سرکیولیشن سسٹم سرگرم ہونے سے پورے گجرات میں بارش ہوگی، جس کے تحت آئندہ تین روز تک شدید بارش ہونے کا امکان ہے۔
فی الحال بحر عرب کے ساتھ جنوبی گجرات میں اپر ایر سائیکلونک سرکیولیشن سرگرم ہے۔
واضح رہے کہ یہ سسٹم آہستہ تھوڑا اوپر کی طرف بڑھ کر چھ سے سات جولائی کو شوراشٹر اور وسطی گجرات تک پہنچے گا، اس کے ساتھ ہی شوراشٹر کے کچھ حصوں میں یہ لا پریشر میں تبدیل ہوسکتا ہے، تاہم لا پریشر مضبوط بن کر ویل مارک لا پریشر بنے گا جس کی وجہ سے شوراشٹر کی کچھ حصوں میں شدید بارشوں کے ساتھ ہی پانچ سے 15 انچ بارش ہونے کا امکان ہے، اور پورے گجرات میں مسلادھار بارش ہونے کا امکان ہے۔
