احمدآباد کے جوہاپورا میں نیو سنگھٹن گروپ کی جانب سے جنسی زیادتی کے خلاف احتجاجی مظاہرہ کیااور کینڈل جلا کر ہلاک شدہ خواتین کو خراج عقیدت پیش کیا گیا ۔ہاتھوں میں پلے کارڈ لے کر متاثرین کے انصاف کا مطالبہ کیا۔
اس موقع پر شریف گھانچی نے کہا کہ حکومت بیٹی بچاؤ اور بیٹی پڑھاؤ کا نعرہ لگاتی ہے لیکن موجودہ حالات کو دیکھتے ہوئے کیسے بچیں گی بیٹی اور کیسے پڑھیں گی بیٹی۔وہیں مقامی کاونسلر حاجی اسرار بیگ مرزا نے بی جے پی حکومت پر نکتہ چینی کرتے ہوئے کہا کہ کئی بی جے پی رہنماؤں پر بھی جنسی زیادتی کے مقدمے چل رہے ہیں اور کہیں نہ کہیں یہ لوگ ریپ معاملے میں شامل ہوتے ہیں اب تک انہیں سزا نہیں ملی ایسے میں سب سے پہلے بی جے پی کے رہنماؤں کو سزا ہونا چاہیئے جس سے لوگوں کی ہمت ٹوٹ جائے اور دوبارہ ایسا کبھی نہ ہو۔
اس احتجاج میں شامل کانگریس کاونسلر روشن وہرا نے حیدرآباد انکاونٹر کی تعریف کرتے ہوئے کہا کہ حیدرآباد میں جس طرح سے ملزمین کا انکاونٹر کیا گیا اسی طرح اور بھی ریپ کے مجرمین کو سزادے دینی چاہیے تاکہ ایسا کرنے میں سو مرتبہ لوگ سوچیں۔موقع ٌپر موجود نظیرپٹیل کا کہنا ہے کہ قصورواروں کو ایک ماہ کے درمیان سخت سے سخت سزا دے دینی چاہیئے۔
افسو س کی بات ہے کہ آج کی بیٹی غیر محفوظ ہے آج لڑکیاں گھر سے باہر نکلنے میں ڈرتی ہیں اب دیکھنا یہ ہے کہ ملک کے غم وغصہ کا جواب حکومت کیسی دیتی ہے اور ملزمین کو سزا دینے کے لیے کوئی نیا قدم اٹھایا جاتا ہے یا نہیں۔
