وزیر اعظم نریندر مودی 28 اور 29 جولائی کو گجرات کا دورہ کریں گے۔ بتایا جا رہا ہے کہ وزیر اعظم مودی 28 جولائی کو صابر ڈیری کی تقریب میں شرکت کریں گے۔ اس کے علاوہ وزیر اعظم نریندر مودی 29 جولائی کو گاندھی نگر کے گفٹ سٹی میں منعقدہ پروگرام میں شرکت کریں گے۔ گفٹ یونیورسٹی میں انٹرنیشنل فائنانشل سینٹر کا بھی دورہ کریں گے۔PM Modi to visit Gujarat
واضح رہے کہ وزیر اعظم نریندر مودی کل صبح دس بجے گجرات پہنچیں گے۔ اس کے بعد وہ سابر کانٹھا میں موجود صابر ڈیری جائیں گے اس کے علاوہ وزیراعظم نریندرمودی سوکنیا یوجنا کے تحت بیٹیوں کے لیے کھاتا کھولنے کے پروگرام اور زیادہ سے زیادہ دودھ پیدا کرنے والی خواتین چرواہوں کو اعزاز سے نوازیں گے۔
وزیر اعظم ضلع کی ترقی پسند خواتین کسانوں اور قبائلی خواتین دودھ پروڈیوسروں سے بھی ملاقات کریں گے۔ اس کے بعد ایک بڑے عوامی جلسے سے خطاب کریں گے۔ پروگرام کے بعد وزیر اعظم مودی گجرات سے براہ راست چین کے لئے روانہ ہوں گے۔
یہ بھی پڑھیں: Illicit liquor in Gujarat: گجرات میں غیر قانونی شراب سے 36 افراد ہلاک
