نریندر مودی نے آج گجرات کے راجکوٹ ضلع کے جسدن کا دورہ کیا جہاں انہوں نے آٹکوٹ میں چالیس کروڑ روپے کی لاگت سے تعمیر ہونے والے دو سو بیڈ پر مشتمل کے ڈی پوردیا ملٹی اسپیشلٹی ہسپتال کا افتتاح کیا جبکہ وزیر داخلہ امت شاہ آج شام جام نگر ضلع میں 347 کروڑ روپے کی لاگت سے پولیس محکمہ کی رہائش گاہ کا افتتاح کریں گے وہ بیک وقت 25 اضلاع میں مقامی پولیس کے 57 گھروں کا ورچول افتتاح کریں گے۔ Modi will inaugurate Hospital in Rajkot
واضح رہے کہ آٹکوٹ میں پٹیل سیوا سماج کے زیر انتظام اس ہسپتال میں راجکوٹ، سریندر نگر ،موربی، جام نگر اور دیگر اضلاع کے غریب مریضوں کا معمولی خرچ پر علاج ہوگا یہاں جنرل وارڈ میں 150 روپے میں مریض کو دن میں تین وقت کا کھانا بھی ملے گا، ہسپتال میں جدید شعبے ہوں گے جن میں اوپی ڈی، سُپر اسپیشلٹی ریڈیولوجی اور آئی سی سی یو شامل ہیں۔ اس کے علاوہ آیوشمان کارڈ ہولڈرز کا مفت میں علاج کیا جائے گا یہاں کوشش کی جائے گی اگر غریب مریض کے پاس پیسے نہیں ہے تو پٹیل سیوا سماج ٹرسٹ خرچ برداشت کرے گا۔
دوسری جانب سے ہسپتال کے افتتاح کے بعد وزیر اعظم نریندر مودی عوام سے خطاب بھی کریں گے۔ ریلی میں 3 لاکھ افراد کی شرکت متوقع ہے۔ راجکوٹ میں میں عوامی تقریب میں خطاب کے بعد وزیر اعظم نریندر مودی گاندھی نگر پہنچیں گے۔ وزیراعظم نریندر مودی مہاتما مندر میں سہکار سمردھی پروگرام سے خطاب کریں گے جہاں وزیر داخلہ امت شاہ بھی موجود رہیں گے۔ دونوں رہنما کافی عرصے بعد ایک ساتھ نظر آئیں گے۔ کنونشن میں شرکت کے لیے گجرات کی تمام چھوٹی اور بڑی کوآپریٹیو سوسائٹی کے بی جے پی کارکنان کو مدعو کیا گیا ہے۔
