بتایا جارہا ہے کہ راجستھان کی جانب سے اس کی سرحدیں آج سے سیل کرنے کے فیصلے کے پیش نظر ایسا ہوا ہے۔ گجرات سے راجستھان جانے والی گاڑیوں اور پاس یافتگان کا بڑا ہجوم شمالی گجرات میں دونوں ریاستوں کی سرحدوں پر پھنسا ہوا ہے۔
سرحد پر بنی چیک پوسٹ کے نزدیک بڑی تعداد میں پاس یافتہ گاڑیوں کی لمبی قطار لگی ہوئی ہے۔
اس دوران گجرات سے بین ریاستی مسافروں کے لئے سرکاری نوڈل افسر ڈی دیویدی نے اپنے ٹوئٹ پیغام میں کہا کہ آج سے ریاست کے کلیکٹر راجستھان سفر کے لئے پاس جاری نہیں کریں گے۔ اس کے لئے پہلے راجستھان سے اجازت لیکر پھر متعلقہ کلیکٹر سے رابطہ کرنے پر ہی پاس جاری کیا جاسکے گا۔
واضح رہے کہ پڑوسی ریاست راجستھان کے لوگوں اور مزدوروں کی بڑی تعداد گجرات میں رہتی ہے۔ گجرات سے خصوصی ریل گاڑیوں اور دیگر وسائل کے ذریعہ بڑی تعداد میں مزدور اور دیگر مہاجرین کو ان کی ریاست بھیجا جارہا ہے۔
