اس مبینہ آنر کلنگ کے سلسلے میں پولیس نے آج ایک ملزم کو گرفتار کرلیا ہے۔
گاندھی دھام ضلع کے رہنےو الے ہریش سولنکی (23) نے تقریبا آٹھ ماہ پہلے احمدآباد ضلع کے مانڈل کے ورمورا گاؤں کے راجپوت (دربار) ذات کی لڑکی ارملا (22) کے ساتھ شادی کی تھی۔ وہ ایک نجی کمپنی میں ڈرائیور کا کام کرتا تھا۔ ارملا کچھ عرصے تک اس کے گھر پر رہی اور بعد میں اس کے والد درشن سنگھ جھالا مبینہ امن وصلح کے بعد اسے اپنے گھر لے گئے۔
اس کے بعد سے لڑکی کافون بند تھا اور اس کا کچھ پتہ نہیں چل رہا تھا۔ اس کے بعد پرسوں جب پولیس کے ساتھ ہریش اپنی بیوی سے ملنے ورمور گیا تو پہلے تو درشن نے اچھے سے بات کی، پھر بعدمیں اپنے بیٹے اور دیگر چھ رشتہ داروں کے ساتھ مل کر اس کی لاٹھی ڈنڈوں سے مار کر اور گلا ریت کرقتل کردیا۔
اس دوران وہاں موجود پولیس اہلکاروں نے بھی بھاگ کر اپنی جان بچائی اور بعد میں آدھی رات کےبعد معاملہ درج کرایا۔
ہریش کا گلا مبینہ طور سے ارملا کے بھائی اندرجیت نے تیز دھار ہتھیار کاٹ دیا۔ جس کے بعداس کی موت ہوگئی۔ ڈی ایس پی پی ڈی منور نے آج یو این آئی کو بتایاکہ اب تک باپ بیٹے کو گرفتار تو نہیں کیا جاسکا پر کل آٹھ ملزموں میں سے ایک کو آج گرفتار کیا گیا ہے۔ دیگر لوگوں کی گرفتاری کے لیے چھاپہ مارے جارہے ہیں۔ اس کے علاوہ پولیس کی تین ٹیمیں بنائی گئی ہیں۔
