جماعت اسلامی ہند گجرات یونٹ کے صدر شکیل احمد راجپوت نے اس واقعے کی سخت الفاظ میں مذمت کرتے ہوئے کہا کہ مرکزی حکومت پر ہجومی تشدد جیسے واقعات کو روکنے کی ذمہ داری ہے۔
انہوں نے موجودہ حکومت کو تنقید کا نشانہ بناتے ہوئے کہا کہ حکومت جہاں ایک طرف 'سب کا ساتھ سب کا وکاس اور سب کا وشواش' جیتنے کا دعویٰ کر رہی ہے، وہیں دوسری طرف ایک خاص مذہب کے ماننے والے لوگوں کو کبھی گائے کے نام پر کبھی جے شری رام کے نعرہ کے نام پر موت کے گھاٹ اتار دیا جاتا ہے۔
ہجومی تشدد کی چہار طرفہ تنقید جاری
انہوں نے کہا کہ مذہب کے نام پر خاص طبقے کے لوگوں کو نشانہ بنایا جارہا ہے جو کہ بھارت جیسے سکیولر ملک کے لیے افسوسناک ہے۔
واضح رہے کہ چند روز قبل جھار کھنڈ میں تبریز نامی نوجوان کو ہجومی تشدد کا شکار بنا کر ہلاک کیا گیا تھا۔
