آج صبح بھارتی فضائیہ کے لڑاکا طیاروں نے احمدآباد میں موجود ایشیاء کے سب سے بڑے سول اسپتال اور ایس وی پی اسپتال پر پھول نچھاور کر کورونا واریئرس کی خدمات کی ستائش کی۔
ایسے میں ایک دلچسپ نظارہ دیکھنے ملا کیونکہ یہاں اوپر سے پھولوں کی بارش اور زمین پر سارے جہاں سے اچھا ۔۔ہندوستان ہمارا ... کی دھن بجائی جا رہی تھیں۔
دراصل احمدآباد کے سول اسپتال کے احاطے میں واقع 1200 بیڈ پر مشتمل کووِڈ-19 اسپتال اور ایس وی پی اسپتال میں کورونا وائرس کے متعدد مریض زیر علاج ہیں۔
واضح رہے کہ بہت سارے ڈاکٹر، نرسنگ عملہ، پیرا میڈیکل اسٹاف اور ملازمین ان کورونا متاثر مریضوں کی دیکھ بھال کے لیے گذشتہ کئی دنوں سے کام کر رہے ہیں۔
یہی وجہ ہے کہ ان کی خدمات کے اعزاز میں بھارتی فضائیہ نے احمدآباد میں پھولوں کی بارش کر ان کی خدمت کے جذبہ کو سلام کیا۔
اس موقع پر کورونا کے خلاف مقابلہ کرنے والے میڈیکل اسٹاف اور نرسوں کا بھی شکریہ ادا کیا گیا تاہم بھارتی فضائیہ نے پورے ملک کی عوام کی جانب سے تمام کورونا واریئرس کا خصوصی شکریہ ادا کیا ہے اور ان کے حوصلے بلند کیے ہیں۔
