اس سے قبل امت شاہ نے ایک بیان جاری کرتے ہوئے کہا تھا کہ سوشل میڈیا پر ان کی صحت سے متعلق افواہوں کو پھیلانا سراسر غلط ہے۔ انہوں نے یہ بھی کہا کہ میں مکمل طور پر صحتمند ہوں اور مجھے کوئی پریشانی نہیں ہے۔
اس سلسلے میں پولیس کمشنر اجے تومر نے بتایا کہ مقامی کرائم برانچ نے امت شاہ کی صحت سے متعلق غلط خبر پھیلانے پر چار افراد کو حراست میں لیا ہے۔
تومر نے بتایا کہ شاہ کے نام پر جعلی ٹویٹر اکاؤنٹ کا اسکرین شاٹ سوشل میڈیا پر شیئر کیا گیا ، جس میں یہ بتایا گیا ہے کہ وہ ایک خطرناک بیماری میں مبتلا ہیں، جس کے بعد یہ خبر سوشل میڈیا پر تیزی سے وائرل ہوگئی تھی۔
پولیس افسر نے بتایا کہ ملزمان کو احمد آباد اور بھاون نگر سے حراست میں لیا گیا ہے اور ان سے پوچھ گچھ کی جارہی ہے۔
انہوں نے یہ بھی بتایا کہ اس معاملے میں انفارمیشن ٹیکنالوجی ایکٹ کی دفعہ 66 (سی) اور 66 (ڈی) کے تحت مقدمہ درج کیا گیا ہے۔
وزیر داخلہ امت شاہ کی صحت سے متعلق افواہ پھیلانے والوں کی شناخت فیروز خان، سرفراز، سجاد علی، سراج حسین کے طور پر ہوئی ہے۔
