گجرات کے سومناتھ حلقہ اسمبلی سے کانگریس رکن اسمبلی وِمل چوڑاسما کو ایوان کے سارجنٹ نے اسمبلی اسپیکر کی ہدایت پر باہرنکال دیا۔
اسپیکر راجیندر تریویدی نے کہا کہ انہوں نے وِمل چوڑاسما کو موجودہ بجٹ اجلاس میں پہلے بھی اس طرح سے ایوان میں نہیں آنے دیا اور ایوان میں لباس کے وقار کوقائم رکھنے کی ہدایت دی گئی تھی۔
دوسری جانب چوڑاسما نے اسمبلی اسپیکر پر دوہرے اور من مانا رویہ اختیار کرنے کا الزام عائد کیا۔ انہوں نے کہا کہ ریاستی حکومت کے ایک وزیر جئیش رادڑیا بھی ٹی شرٹ پہن کر ایوان میں آتے ہیں لیکن ان پر کوئی کارروائی نہیں ہوتی۔ حالانکہ انہوں نے یہ بھی کہا کہ ایوان میں ٹی شرٹ پہننے پر رکاوٹ کا کوئی ضابطہ نہیں ہے اور وہ خود گزشتہ تین برسوں میں کئی مرتبہ ٹی شرٹ پہن کر ایوان میں آچکے ہیں۔
