مائناریٹی کوآرڈینیشن کمیٹی گجرات نے گجرات کے گورنر کو ایک مفصل خط لکھ کر غنڈا ایکٹ منسوخ کرنے کا مطالبہ کیا۔
اس تعلق سے مائناریٹی کوآرڈینیشن کمیٹی گجرات کے کنوینر مجاہد نفیس نے خط میں لکھا ہے کہ غنڈا ایکٹ قانون کو گجرات میں حق لیے لیے بلند ہونے والی آواز کو دبانے کے لیے لایا گیا ہے اور آئندہ دنوں میں معصوم لوگوں کو پریشان کرنے کے لیے بطور آلہ اس قانون کو استعمال کیا جائے گا۔
انھوں نے کہا کہ ریاستی حکومت کی ذمہ داری ہے کہ وہ ریاست کے لوگوں میں اعتماد اور استحکام کو مضبوط بنانے کے لیے انسانی حقوق کی پامالی کو روکے اور ریاست میں انسانی حقوق کو مکمل طور پر نافذ کریں۔
انہوں نے مزید لکھا ہے کہ غنڈا ایکٹ کے ذریعے حکومت ایسٹ انڈیا کمپنی کے راج کو واپس لانے کی کوشش کررہی ہے اس قانون کو نافذ کرکے حکومت لوگوں کے بنیادی حقوق کی آواز کو ختم کرنے کی تیاری کر رہی ہے۔
مجاہد نفیس نے آخر میں یہ لکھا ہے کہ گورنر سے اپیل کی جاتی ہے کہ وہ غنڈا ایکٹ قانون کو منسوخ کرے اور ریاست میں انسانی حقوق کو مکمل طور پر نافذ کرے۔
