احمدآباد:گجرات ہائی کورٹ نے ایک عرضی پر سماعت کے دوران کہا کہ گجرات کی بہت سی نجی انگریزی اسکولوں میں ابھی بھی گجراتی زبان پڑھائی نہیں جاتی ہے۔اس معاملے میں سخت کارروائی کرنے کی ضرورت ہے۔Gujarat High Court Says Gujarati Language Compulsory In School
یہاں یہ بات قابل ذکر ہے کہ بی جے پی کی قیادت والی موجودہ حکومت بھی ریاست میں مادری زبان گجراتی کے فروغ کی کوشش کر رہی ہے ۔اس کے لئے مختلف منصوبوں پر کام کر رہی ہے ۔
واضح رہے کہ اس سے قبل گجرات حکومت کی جانب سے تعلیمی اداروں، تجارتی مراکز کے ناموں اور بورڈز میں ہندی اور انگریزی کے ساتھ گجراتی زبان کا استعمال لازمی کرنے کا حکم دیا گیا تھا۔
اس سلسلے میں محکمہ کھیل، نوجوان اور ثقافتی سرگرمیوں کی جانب سے قرار داد بھی جاری کی گئی تھی جس میں کہا گیا تھا کہ ریاست کے تمام سرکاری دفاتر، کمپلیکس اور عوامی مقامات پر ہندی انگریزی کے ساتھ گجراتی زبان استعمال لازمی کیا جائے.اب گجرات ہائی کورٹ کی جانب سے تمام اسکولوں میں گجراتی زبان کو لازمی قرار دینے سے متعلق ہدایت سامنے آئی ہے۔Gujarat High Court Says Gujarati Language Compulsory In School
