گجرات اسمبلی اجلاس گزشتہ کئی روز سے جاری ہے ایسے میں وزیر تعلیم جیتو واگھانی نے آج گجرات اسمبلی میں تعلیم کے تعلق سے کئی نئے اعلانات کئے۔
وزیر تعلیم جیتو واگھانی نے ایک پریس کانفرنس کے ذریعے کہا کہ پہلی اور دوسری جماعت میں اردو، انگریزی مضامین متعارف کرائے جائیں گے اور گجراتی مضمون بھی لازمی ہوگی، اس کے علاوہ گجرات حکومت نے تعلیمی بجٹ میں بھی اضافہ کیا ہے۔
انہوں نے مزید کہا کہ جماعت ایک اور دو میں انگریزی کی کوئی کتاب نہیں ہوگی جبکہ تیسری جماعت سے انگریزی کتاب شامل کی جائے گی، انگلش کا مضمون صرف گورنمنٹ اسکول میں متعارف کرایا جائے گا اساتذہ کو انگریزی پڑھانے کی تربیت دی جائے گی۔
مزید پڑھیں:
اس کے علاوہ ہندو دھرم کا مقدس کتاب بھگوت گیتا بھی پرائمری اسکولوں میں پڑھائے جائیں گے جماعت 6 سے 12 تک کے طلبا کو بھگوت گیتا پڑھایا جائے گا، تعلیمی سال 2022-23 سے اسکولوں میں بھگوت گیتا پڑھانا لازمی ہوگا۔
انہوں نے کہا کہ یہ کوشش طلبا کو بھارتی ثقافت سے روشناس کرانے کی کوشش ہے، تاہم اسکولوں میں شلوک، نغمہ، ڈرامہ، تصویر سمیت تمام سرگرمیاں منعقد کی جائیں گی بچے کی نشوونما کے مقصد کے تحت طلبا کو بچپن سے ہی بھگوت گیتا کا مطالعہ کرنا ہوگا۔
