اس سانحہ کو 10 سال گزر چکا ہے لیکن ہر برس 26 جولائی کو اس کی یادیں تازہ ہوجاتی ہیں۔ اس دن کو یاد کرتے ہوئے احمدآباد کی مسلم برادری بلاسٹ میں ہلاک ہوئے افراد کو خراج عقیدت پیش کرتے ہیں۔
اس موقع پر احمدآباد کے رائے پور علاقے میں موجود شہید اسمارک پر پھول چڑھا کر ہلاک شدگان کے لیے دعائیں کی گئیں۔
اس تعلق سے مقامی شخص بلیم اقبال نے کہا کہ رائے پور علاقے میں دس سال قبل بم بلاسٹ میں جو بے قصور ہلاک ہوئے تھے، انہیں آج ہم نے خراج عقیدت پیش کی۔ اس موقع پر ہم چاہتے ہیں کہ ملک سے دہشت گردی نیست و نابود ہو جائے اور بے قصوروں کی جان کبھی ضائع نہ ہو۔
وہیں سماجی کارکن منہر سنگھ راجپوت نے کہا کہ جب بھی 26 جولائی کا موقع آتا ہے تب ہمیں وہ سانحہ یاد آ جاتا ہے اور ہماری آنکھیں نم ہو جاتی ہیں۔ ہم یہ دیکھنا چاہتے ہیں کہ ملک میں ایسے واقعات دوبارہ نہ ہوں اور ملک میں امن و امان و بھائی چارہ قائم رہے۔
