گجرات میں راجکوٹ شہر کے دو الگ الگ علاقوں میں تین خواتین سمیت 13 قمار بازوں کو حراست میں لے کر ایک لاکھ روپے سے زائد کی رقم ضبط کی گئی ہے۔
پولیس نے پیر کے روز بتایا کہ ڈی سی بی علاقے میں ادے نگر کے ایک مکان میں چھاپہ مارا گیا۔ اس دوران جوا کھیل رہے چھ افراد کو وہاں پکڑ لیا گیا۔ ان کے پاس سے ایک لاکھ 19 ہزار روپے اور دیگر سامان برآمد کیا گیا ہے۔
اسی طرح راجکوٹ تعلقہ علاقہ میں سمودھ نگر آواس یوجنا کے ایک مکان پر چھاپہ مار کر وہاں سے تین خواتین اور چار مرد وں کو جوا کھیلتے ہوئے پکڑا گیا اور ان سے 16 ہزار 120 روپے اور دیگر سامان ضبط کیا گیا۔ پولیس نے معاملہ درج کرکے ضروری کارروائی شروع کردی ہے۔
