احمد آباد کی مشہور ترین قدیم لائبریری میں سے ایک حضرت پیر محمد شاہ لائبریری اینڈ ریسرچ سینٹر کے ڈائریکٹر پروفیسر محی الدین بامبے والا نے کہا کہ خدا بخش لائبریری علم و ادب کا سب سے بڑا مرکز ہے۔
پروفیسر محی الدین بامبے والا
انہوں نے کہا کہ 'خدا بخش لائبریری ایک ایسی جگہ ہے جہاں پر مشرقی علوم کے ساتھ ساتھ بھارت کے قدیم علوم وفنون ان کے ذخیرے ملتے ہیں اور ان کی حفاظت کرنا ہمارا فرض ہے لیکن حکومت اپنی ضرورتوں کے لیے علمی مراکز کو نظر انداز کرتی نظر آ رہی ہے۔
انہوں نے مزید کہا کہ خدا بخش لائبریری کا جو لارڈ کرزن ریڈنگ روم ہے وہ ایک تاریخی عمارت ہے اس کی حفاظت کرنا ہماری حکومت کی بھی ذمہ داری اور فرض ہے اگر حکومت اس کے خلاف جاکر وہاں سے کوئی راستہ نکالتی ہے یا فلائے اوور برج بنانا چاہتی ہے تو حکومت کو اس منصوبے کو روکنا چاہیے۔
