واضح رہے کہ حال ہی میں گجرات کے نائب وزیراعلی نتن پٹیل نے اس سلسلے میں معلومات دی تھی۔
اس کے تحت آج اسمبلی اجلاس شروع ہوتے ہی ایوان میں اس پر بحث کی گئی اور کورونا وائرس کی وجہ سے اسمبلی کو ملتوی رکھنے کا فیصلہ لیا گیا۔
دراصل گجرات قانون ساز اسمبلی کا بجٹ اجلاس 26 فروری سے 31 مارچ تک جاری رہنے والا تھا۔ اسے آج ملتوی کرنا پڑا۔ آج دوپہر وزیراعلی وجے رو پانی نے اسمبلی میں ایک تجویز پیش کی۔
اس کے بعد اسمبلی اسپیکر کر راجیندر ترویدی نے ایوان کو ملتوی کرنے کی ہدایت دی۔
کورونا کی دہشت کی وجہ سے رو پانی حکومت کو اسمبلی سرگرمیاں ملتوی کرنے کا فیصلہ کرنا پڑا
غور طلب ہے کہ گجرات میں کورونا وائرس کے 96 گھنٹوں میں 30 پوزیٹیو کیس درج کیے گئے ہیں۔ کورونا وائرس اب آہستہ آہستہ پورے گجرات کو اپنی گرفت میں لے رہا ہے۔
ایک ہی دن میں کورونا وائرس کے 12 مثبت کیسس کے سامنے آنے کے بعد گجرات حکومت ایکشن موڈ میں آ گئی ہے کیوں کہ یہ وائرس اب گجرات میں دوسرے اور تیسرے مرحلے کے درمیان ہے۔
اس لیے گجرات کے چھ اضلاع کو پوری طرح لاک ڈاؤن کرنے کا فیصلہ بھی لیا گیا۔ کسی کو بھی گھر سے باہر نکلنے نہیں دیا جا رہا ہے۔
