ملک بھر میں جماعت اسلامی ہند مختلف شعبوں میں خدمت انجام دے رہی ہے۔ اس ضمن میں خواتین میں دینی و دنیاوی بیداری لانے کے لیے جماعت اسلامی ہند نے گجرات میں ایک شاخ گرلز اسلامک آرگنائزیشن بنایا ہے۔ جس کی ہر دو برس میں نئی باڈی بنائی جاتی ہے۔
حال ہی میں گجرات جی آئی او کی دو سالا مدت مکمل ہونے کے بعد جی آئی او کی نئی باڈی کے لیے 13 دسمبر کو احمدآباد میں انتخاب ہوا۔ جس میں جی آئی او کی زونل صدر کے طور پر فہمیدہ قریشی کو منتخب کیا گیا۔
یہ بھی پڑھیں: وجے دوس : بی ایس ایف کی جانب سے سرحد پر بیٹن ریلے ریس منعقد
اس تعلق سے فہمیدہ قریشی نے ای ٹی وی بھارت سے بات کرتے ہوئے بتایا کہ اب تک اس عہدے پر ثنا منصوری فائز تھیں لیکن اب یہ ذمہ داری مجھے سونپی گئی ہے، اس لیے میں کافی خوش ہوں۔
انہوں نے بتایا کہ جی آئی او کے ساتھ ساتھ زونل ایڈوائزری ٹیم بھی بنائی گئی ہے۔ یہ ٹیم اور ہم سب آنے والے وقت میں بڑے ہی جوش و خروش کے ساتھ مل کر کام کریں گے اور جی آئی او کے تمام مقاصد کو مکمل کریں گے۔
