ریاست گجرات کے شہر احمداباد میں سابرمتی ریور فرنٹ پر سردار بریج سے ایلیس بریج تک ایک لاکھ دس ہزار مربع میٹر پر پھیلے ہوئے اس فلاور شو کو دیکھنے کے لیے ملک بھر سے لوگ آرہے ہیں کیونکہ یہاں مختلف موضوعات پر لاکھوں پھولوں کی نمائش رکھی گئی ہے۔
اس فلاور شو میں مہاتما گاندھی کی 150 ویں جینتی بھی منائی جا رہی ہے، گاندھی جی کا مجسمہ،چشمہ اور ان کے چرخے کی نمائش کی گئی ہے۔
احمداباد میونسیپل کار پوریشن کا ارادہ ہے کہ لوگ یہاں آکر ماحولیات، صفائی اور گرین اینڈ کلین طریقہ کار کو اپنائیں۔ اور اس کے ساتھ اپنے شہر کو رنگین بھی بنائیں۔
اس فلاور شو میں بڑی تعداد میں لوگ اپنے بچوں کے ساتھ آ رہے ہیں۔ اس موقع پر ای ٹی وی بھارت کی نمائندہ سے بات چیت کرتے ہوئے لوگوں نے کہا کہ 'اس فلاور شو میں گجرات گلوب بلٹ ٹرین، گاندھی جی، گاندھی جی کا چرخہ، گاندھی جی کا نمک، ستیہ گرہ، گاندھی جی کاچشمہ جیسے پچاس اسکلپچر وغیرہ بھی دیکھنے کو مل رہے ہیں جنہیں بڑے ہی دلچسپ انداز میں گاندھی جی کی 150 جیتی کے موقع پر تیار کیا گیا ہے'۔
مزید پڑھیے:- جے این یو کے 20 طلبا ٹراما سینٹر میں داخل
مزید پڑھیے:- جامعہ کوآرڈینیشن کمیٹی، ٹراما سینٹر کا دورہ کرے گی
مزید پڑھیے:- سلیمانی ہلاکت معاملہ: سوگواروں کے ساتھ عراقی وزیر اعظم
واضع رہے، سابرمتی ریور فرنٹ پر صبح دس بجے سے رات نو بجے تک عوام کے لئے فلاور شو کھلا رکھا گیا ہے اس فلاور شو میں تقریبا 750 اقسام کے پھول عوام کو دیکھنے کے لئے لگائے گئے ہیں اور پھولوں کو ایک سے بڑھ کر ماڈل کی شکل سی گئی ہے تاہم اس فلاور شو میں تقریبا سات لاکھ پودے بھی رکھے گئے ہیں جسے خریدنے کے لئے بڑی تعداد میں لوگ آرہے ہیں۔
